舓晒你

原标题：舓晒你

□ 聂巨平

十几年前，香港也有一首与《小苹果》异曲同工之妙嘅《锡晒你》嘅粤语流行曲，也响遍粤港澳地区。

之唔过《锡晒你》呢个“锡”字，却值得商榷，“锡”嘅原意系指吻，亲咀嘅意思。试想想吻，亲咀点“锡”？唔会用金属去锡啩？查实“锡晒你”、“抵锡”嘅“锡”字，系个错别字，查字典，锡字系从金从易，系一种金属元素，另一种解释系赏赐，并冇“吻”“亲”“疼”嘅意思。如果将“锡”改成“舓”更接近佢嘅本意，“舓”系个形声字。从舌，氏声。本义：以舌舔物，舐犊，老牛以舌舔小牛，舐犊之爱，老牛爱抚小牛，用舌舐舔。比喻爱儿女之情。“舓”“舌也”，《说文》解释“舓”字，“以舌取食，从舌易声”，古同“舐”。

舓有两种意思：“痛舓”或“亲吻”。亲吻，有两种语境嘅：1.“舓晒你！”或“好舓你”嘅意思：“最痛舓你”或“好疼你”；2.“舓啖先”嘅意思：亲一下！

抵舓，通常带有少许暧昧。男女工作时，假如女嘅做得很好，男嘅就可以带点暧昧嘅语气讲：“你真抵舓，”一系直头讲抵舓。(意思查实只系表扬佢做得好。)女和女有时也会讲：抵舓。男和男就唔会讲，相当之核突。成年人对细路讲，也系表扬嘅意思，做一道数学题，做得好你就可以用，抵舓嚟表扬佢，也会真个亲一口，细路嘛。

由此看来，“锡晒你”、“锡一啖”、“抵锡”嘅“锡”，用“舓”更接近佢嘅本意。粤语字典均未收入此字，只用“惜、锡”代替，所以许多人对“舓”感到陌生。其实查普通话字典均有此字，并唔生僻。粤语字典嘅编辑，将来可能会收入此字。