白话街事

原标题：白话街事

前日晏昼，前进路，两个阿婆嘅对话。

A阿婆：呢几日回南天，潮湿都飞起，真系烦嘞。

B阿婆：最烦系啲衫，洗咗晾咗几日都唔干。

A阿婆：我新抱仲专门买咗部干衣机返嚟，如果唔系个孙连底裤都冇得换。

B阿婆：啲衫唔干就话有干衣机啫，但出面嘅街湿漉漉，你就冇符啦。

A阿婆：所以呢几日去公园一定要好声行，如果跣低就大件事嘞。

B阿婆：系啊，嗰日我见到个后生仔喺公园跑步跣低，跌到佢呱呱叫。

A阿婆：后生仔跣下都冇所谓，如果系我哋呢啲老嘢就真系择使咯。

B阿婆：今日我个仔都叫我冇去公园。

A阿婆：我个女都系咁话。

B阿婆：等过几日出啲太阳先至去过嘞。

A阿婆：出太阳仲得闲去公园咩，紧系喺屋企晒嘢嘞。

潮湿咗咁多日，如果过几日真系出番太阳，到时啲街坊估计会“爆发式”晒衫，场面一定好壮观。——袁肃街记

回南天

前日下午，前进路，两个阿婆的对话。

A阿婆：这几天回南天，潮湿到要命，真是烦人。

B阿婆：最烦的是那些衣服，洗了晾了几天都不干。

A阿婆：我媳妇还专门买了一台干衣机回来，如果不这样，孙子连内裤都没得换。

B阿婆：衣服不干有干衣机，但外面的街湿漉漉，你就没辙啦。

A阿婆：所以这几天去公园一定要慢慢走，如果滑倒就大事了。

B阿婆：是啊，那天我看到一个小伙子在公园跑步滑倒，摔得他呱呱叫。

A阿婆：小伙子滑倒一下都无所谓，如果是我们这些老家伙，那真是麻烦了。

B阿婆：今天我儿子都叫我不要去公园。

A阿婆：我女儿也是这样说。

B阿婆：等过几天出点太阳再去吧。

A阿婆：出太阳还有空去公园吗？肯定是在家晒东西啦。

潮湿了这么多天，如果过几天真出了太阳，到时那些街坊估计会“爆发式”晒衣服，场面一定很壮观。

跣低

滑倒的意思。粤语“跣”（音同线）是滑的意思。“跣”在粤语中还可以用来形容暗算或耍弄别人。如：呢次俾佢跣咗一镬(这次给他耍弄了一回)。

择使

麻烦或倒霉的意思，最早的写法是“偞使”，是古汉语，音同择使。

时报读者 袁肃