粤语讲古新传人

原标题：粤语讲古新传人

白话广州

越秀区少先队2016年金钥匙万人读书活动——第三届粤语讲古总决赛决出新一届嘅讲古王。入围总决赛嘅16队选手，都系越秀区少年宫粤语讲古培训班嘅优秀学员。通过“日常公益分层培训+打造各种比赛平台”嘅模式，短短三年时间，越秀区培养出一大批粤语讲古人才。

“讲古”即系用广州方言说书、讲故事，与外省说书不同嘅系，粤语讲古只说不唱，系广东省嘅非物质文化遗产。据说明朝末年，江苏泰州说书大师柳敬亭出任抗清将领左良玉嘅幕客，喺随军南征时，将说书艺术传来广东嘅。

依家啲人，对粤语讲古越来越唔重视。以未有手机电脑之时，好多人都中意听电台说书来打发时间，但系依家乜嘢娱乐都有晒，网络直播越来越流行，传统嘅粤语讲古反而冇咩粉丝，以后会唔会失传都好难讲，真如书中所讲：“欲知后事如何，且待下回分解。”

讲到粤语讲古，肯定要用白话讲，但系一个残酷嘅现实系，连白话都越来越少人讲了，好多老广嘅下一代从幼儿园就开始讲普通话，而作为母语嘅白话反而越来越生疏。虽然好多外地人对白话感兴趣，学识咗讲白话，也可以讲得好地道，但是识讲嘅谚语、谶语、俗语却唔多，所以始终冇老广讲得咁有味道。眼睇粤语讲古渐渐失传，真系一大遗憾。