鬼佬乞儿

原标题：鬼佬乞儿

白话广州 ◎陈嫚 职员

新闻话，广州淘金路友谊商店附近又出现咗一个鬼佬乞儿。佢来自俄罗斯，坐喺地上，身前有个写住“捐款”嘅牌，行李就得一个背包和一部滑板车。佢话家乡太冻，所以一年之中只有6、7、8月会留喺俄罗斯，其他时间都会去暖啲嘅国家，佢前几日啱啱从云南来到广州。

点解来广州呢？因为广州天气温暖，而且系交通枢纽。我惗仲有一点——呢度嘅人友善。记得旧年年底，广州东站就有一个鬼佬乞儿喺嗰度乞食好耐，附近嘅清洁工话佢一日收入可以过千。而呢位乞儿话，佢之所以来广州乞食，就系因为呢度嘅人友善。换成20年前佢来讲呢句话，可能有北方嘅人嗤笑：乱噏！广州人唔排外就唔不错喇！

但系呢个世界就系咁，变化非常之快，曾经被人认为非常排外嘅地方，如今成为外地人嘅温床。20年前，曾有外地人话，最惊喺广州问路，因为要睇本地人面色；如今，本地人和外地人早已经和睦生活在一起，连鬼佬都中意来呢度乞食，你话系咪好神奇？

广州仲有个特点，就系非洲人特别多，我估除咗呢度商业繁华嘅原因之外，仲同广州人对非洲人民嘅接受度比较高有关，虽然偶尔会有个别的士司机拒载黑人，但大多数广州人都好包容，佢哋并无乜嘢不便，所以呢几年来广州嘅非洲鬼佬越来越多。