狼过华秀只狗

原标题：狼过华秀只狗

广府庙会热闹开场，有得食有得睇又有得玩。不过，我最感兴趣嘅系嗰个小朋友用粤语讲古嘅展演环节。其中有个小朋友，用粤语讲咗个关于《狼过华秀只狗》嘅古仔，粤语相声大师黄俊英仲收埋佢做徒弟添。

关于《狼过华秀只狗》呢个古仔，相传就有好几个版本。

先来解释一下“狼过华秀只狗”系咩意思先。呢句俗语系用来形容嗰啲穷凶极恶唔讲道理嘅人，“狼”就系凶狠。广州话里边，话一个人“狼死”就系咁嘅意思。“狼过华秀只狗”，直译就系话呢个人恶死过华秀养嘅狗。所以，呢句话有批评又或者讽刺嘅意味。

几个版本里边，对于“华秀”系咩身份有唔同嘅讲法。有人话佢系旧阵时佛山嘅一个地主恶霸，收唔到租就放狗咬人。又有人话佢系清末嘅果农，养恶狗系用嚟防盗。第三个版本就系话华秀系佛山茶商，因为中意斗狗赌博所以养狗。但无论“华秀”系咩身份，佢养嗰只狗够恶就冇咩争议。各个版本都提到，有次呢只狗经过纸扎铺，咬烂咗一只纸扎嘅老虎。

据讲真系有人曾经去研究过“华秀”系咩人。呵呵，唔知今次粤语讲古小达人讲嘅系边个版本呢？后悔冇去现场听下。不过，无论系边个版本，“狼过华秀只狗”唔系咩好听嘅说话，大家平时要慎用。