至生鬼嘅广州话(续)

原标题：至生鬼嘅广州话(续)

临天光濑尿：功败垂成。

反转猪肚(就系屎)：易反易覆小人心。

有头发边个想做瘌痢：同“跪地喂猪乸”差唔多意思，别无选择、迫不得已。

阿妈系女人：等于“食饱咗唔饿”，废话。

新屎坑三日香：开始好有新鲜感，但好快就会打回原形。

未打钟先入饭堂：婚前有咗(身孕)。

观音兵：钟意跟住女人尾嘅男人。

缩骨：孤寒嘅至好譬喻。

口爽荷包立：缩骨偏要扮豪爽嘅至佳形容。

菠萝鸡，一味靠黐：唔单止孤寒，仲要揩人油水。

石罅米，畀鸡啄：有啲男人只对同性缩骨，但遇到(唔三唔四)女人就唔系喇。

金鱼缸：玻璃门后边排排坐任选唔嬲嘅人，你明嘅。

鸡虫：即咸湿、咸虫。

喂鸡：去帮衬金鱼缸或诸如此类。

黑仔、黒\过墨：倒霉、倒霉透顶，比如鸡虫去喂鸡，唔好彩撞正阿Sir检查，被断正。